Eftir 14 ár hefur Jólaþorpið náð að heilla landsmenn alla og í auknu mæli ferðamennina sem kjósa að sækja landið heim. Hafnfirðingar sjálfir nýta tækifærið og bjóða í heimboð á aðventunni með viðkomu í jólaþorpinu. Þannig hópast heilu stórfjölskyldurnar og vinahóparnir í miðbæ Hafnarfjarðar og njóta skemmtidagskrár á Thorsplani, kíkja í litlu jólahúsin og verslanir í nágrenninu eða söfn bæjarins, gagngert til að hafa það huggulegt á aðventunni. 

Gestir Jólaþorpsins í ár geta gengið á milli tuttugu fagurlega skreyttra jólahúsa sem eru orðin landsþekktur söluvettvangur fyrir ýmisskonar gjafavöru, handverk og hönnun sem tilvalið er að setja í jólapakkann ásamt gómsætum veitingum og vörum til að taka með heim á veisluborðið.

Gestir Jólaþorpsins í ár geta gengið á milli tuttugu fagurlega skreyttra jólahúsa sem eru orðin landsþekktur söluvettvangur fyrir ýmisskonar gjafavöru, handverk og hönnun sem tilvalið er að setja í jólapakkann ásamt gómsætum veitingum og vörum til að taka með heim á veisluborðið.

DAGSKRÁ JÓLAÞORPSINS helgina 9. – 10. desember 2017

Laugardagurinn 9. desember frá kl. 12:00 – 17:00

13:00 Jólafía og Jólafur syngja jólalög og gera sirkusbrögð
14:15 Raddskóli Margrétar Eir
14:45 Barnakór Víðistaðakirkju
15:00 Gilitrutt og Rauðhetta úr leikhópnum Lottu

Jólasveinar verða á vappi um bæinn frá kl. 14:00 – 15:00. Bettína verður á ferli á Strandgötunni með hestvagninn sinn frá kl. 13:00 – 17:00 og geta áhugasamir fengið jólarúnt um bæinn fyrir sanngjarnt verð. Kynnir er Felix Bergsson.

Jólaævintýrið í Hellisgerði – fyrir þá sem vita að jólasveinninn er til!
– – – – –
Hið árlega jólaævintýri fer fram í Hellisgerði laugardagskvöldið 9. desember kl. 20. Ævintýrið er ætlað þeim sem vita að jólasveinar eru til og fylgdarfólki þeirra. Felix Bergsson mun taka á móti gestum klukkan kl. 20 og mikilvægt er að allir hafi með sér vasaljós eða luktir.

Gestir ferðast um Hellisgerði og þeir sem trúa gætu orðið varir við við jólaálfana Þorra og Þuru, Jólaköttinn, Grýlu og Leppalúða og börnin þeirra Skjóðu og jólasveinana sem eru farnir að stelast í bæinn. Þá sjá Jólabjöllurnar um að skapa réttu stemminguna og syngja nokkur jólalög.

Jólaævintýrið í Hellisgerði er samvinnuverkefni Jólaþorpsins og Íslandsbanka í Hafnarfirði. Litla Álfabúðin verður opin og Björgunarsveit Hafnarfjarðar mun selja kyndla á staðnum.- – – – – – – – – – – – – – – – – – –

Sunnudagurinn 10. desember frá kl. 11:00 – 17:00

11:00 Jólaball Fríkirkjunnar á Thorsplani

13:30 Sveinn Sigurjónsson með nikkuna
14:00 Úrslit úr Kaldárhlaupinu – um 10 km víðavangshlaupi frá Kaldárseli/Kaldárbotnum
14:30 Guðrún Árný Karlsdóttir og barna- og unglingakór Hafnarfjarðarkirkju
15:00 Jólaball með Gilitrutt og Hróa Hetti úr leikhópnum Lottu

Grýla verður á vappi um bæinn frá kl. 14-16. Bettína verður á ferli á Strandgötunni með hestvagninn sinn frá kl. 13-17 og geta áhugasamir fengið jólarúnt um bæinn fyrir sanngjarnt verð. Kynnir er Grýla.

Í jólahúsunum verða ýmsar gómsætar veitingar fyrir sælkera til sölu og vörur til að taka með heim á veisluborðið eins og hangikjöt, grafinn hrossavöðvi, jólaskinka og reyktur og grafinn lax og alls kyns hollustuvörur úr íslensku hráefni en einnig pönnukökur bakaðar á staðnum.

Þá verður hægt að kaupa handgerða skartgripi, dagatöl og skipulagsvörur og alls kyns jólaskraut. Hönnun og handprjónaðar lopavörur verða á sínum stað og treflar og teppi úr alpaca ull frá Ekvador. Þá verða til sölu allskonar verk úr Fimo leir, hlýr undirfatnaður fyrir íslenskar aðstæður og laserskorið punterí fyrir heimilið og allskonar dót í jólapakkann eða fyrir jólasveininn í skóinn.

Takið eftir að Strandgatan frá Lækjargötu að Linnetstíg breytist í göngugötu á meðan Jólaþorpið er opið. Salernisaðstaða fyrir gesti er á annarri hæð í Firði, í Hafnarborg, Byggðasafninu og Bókasafninu.

Allir velkomnir!

 

Mynd: Hafnarfjörður