Þessa dagana er dönsk lúðrasveit í heimsókn hjá Lúðrasveit Tónlistarskóla Hafnarfjarðar. Hljómsveitin kemur frá Egedal í Danmörku, sem er norð-vestan við Kaupmannahöfn, og hefur dvalið hér á landi, ferðast um auk þess að æfa stíft ásamt lúðrasveit tónlistarskólans fyrir sameiginlega tónleika þeirra á morgun föstudag.

50 börn taka þátt í verkefninu og árangurinn má sjá á morgun, föstudag, kl 16:00 í Hásölum. Efnisskráin verður hress og skemmtileg og eru stjórnendur hljómsveitanna Ib Lolke og Helga Björg Arnardóttir.  Tónleikarnir eru öllum opnir og enginn aðgangseyrir.

Hópurinn á æfingu. Myndir/Helga Björg Arnardóttir