Áramótabrenna verður sem fyrr haldin á íþróttasvæði Hauka á Ásvöllum kl. 20:00 á gamlárskvöld. Nánar tiltekið í hrauninu fyrir framan íþróttamiðstöðina en það eru Knattspyrnufélagið Haukar og Hafnarfjarðarbær standa saman að brennunni.

Gestum og gangandi er bent á að halda sig í góðri fjarlægð frá brennunni, klæða sig eftir veðri, skilja flugeldana eftir heima og njóta til fulls samveru með vinum, ættingjum og öðrum hressum íbúum og gestum Hafnarfjarðar. Íþrótta- og tómstundanefnd, forvarnarfulltrúi, foreldraráð og foreldrafélög í Hafnarfirði ásamt lögreglu hvetja foreldra barna og unglinga í Hafnarfirði til að gera gamlárskvöld að fjölskylduvænu og skemmtilegu kvöldi.

Að venju má búast við nokkurri umferð á Völlunum á gamlárskvöld og því er mælt með að fólk leggi tímanlega af stað til að njóta brennunnar. Einnig eru íbúar á Völlunum og í nærliggjandi hverfum hvattir til að fara þessa leið fótgangandi ef möguleiki er á því.

Mynd/Olga Björt