Höfundur: Olga Björt Þórðardóttir

Vinastúka frá vinabænum Uppsala í heimsókn

Bæjarstjóri Hafnarfjarðar bauð fyrir skömmu til mótttöku í Hafnarborg vegna heimsóknar Oddfellowstúku frá Uppsala í Svíþjóð sem er vinabær Hafnarfjarðar og vinastúka Elísabetar, Rbst. nr. 14 í Hafnarfirði. Fyrir tveimur árum tóku systur þeirra höfðinglega á móti þeim í Uppsala og sambærileg móttaka var haldin í menningarhúsinu ytra. Fjarðarpósturinn rak inn nefið og smellti af þessum myndum, en þarna var sannarlega mikið gaman og góður andi ríkti í hópnum. Sigríður Kristinsdóttir bæjarlögmaður var staðgengill bæjarstjóra þennan dag í fjarveru Rósu Guðbjartsdóttur og leiddi því samkomuna. ...

Read More

Margt í boði á umhverfisvænum markaði

Umhverfisvæni markaðurinn var í haldinn í fjórða sinn fyrir skömmu og í þetta sinn í Hafnarfirði, nánar tiltekið verslunarmiðstöðinni Firði. Margar af áhugaverðustu verslunum landsins með umhverfisvænar vörur voru á staðnum og dótahorn í boði fyrir krakkana. Fjarðarpósturinn kíkti við.  Þær verslanir og félagasamtök sem voru á markaðnum: Dóttir, Enjo á Íslandi, Ethic, Græn Viska, Hrísla, JóGu, Káti Fíllinn, Klaran.is, Mena, Mjallhvít, Modibodi, Reykjavík Tool Library, Rúnbrá, Samtök grænkera á Íslandi, Tropic.is og Vistvera. Þess má geta til gamans að hin systirin í fyrirtækinu Rúnbrá eignaðist barn þennan sama dag....

Read More

86 útskrifuðust og dúxinn Steinunn Bára

Fimmtudaginn 23. maí brautskráðust 86 stúdentar frá Flensborgarskólanum í Hafnarfirði. Nemendur brautskráðust af félagsvísinda- raunvísinda-, viðskipta- og hagfræðibraut, starfsbraut og opinni námsbraut. Alls luku 36 nemendur íþróttaafrekssviði sem hluta af stúdentsprófinu. Dúx skólans er Steinunn Bára Birgisdóttir, með meðaleinkunnina 9,8. Steinunn útskrifast af raunvísindabraut með íþróttaafrekssviði. Tveir nemendur voru fast á hæla Steinunnar, með 9,7, þau Magnús Fannar Magnússon og Birgitta Þóra Birgisdóttir. Svo skemmtilega vill til að þau þrjú fengu einmitt viðurkenningu fyrir tveimur árum sem þeir nýnemar sem náðu bestum árangri á fyrsta námsári. Þau þrjú, ásamt fjölda annarra nýstúdenta, hlutu ýmsar viðurkenningar og verðlaun, en fjöldi fyrirtækja,...

Read More

Vot en vel heppnuð Vallahátíð

Vor- og hverfahátíðin „Velkomin á Vellina“ var haldin 14. árið í röð fyrir utan Hraunvallaskóla sl. laugardag, en hátíðin er sameiginleg vorhátíð Hraunvallaskóla, Skarðslhíðarskóla og Vallahverfissins. Ýmsir listamenn stigu á stokk, s.s. Selma Björnsdóttir, JóiPé & Króli og Leikfélag Flensborgarskóla. Kynnir var Lalli töframaður. Brettafélag Hafnarfjarðar bauð upp á kennslu og roksala var á pylsum og drykkjum í skúrum á svæðinu. Þá buðu fulltrúar slökkviliðs og sjúkraflutninga viðstöddum að skoða sinn búnað á bílastæðinu við skólann. Fjarðarpósturinn fylgdist með og tók meðfylgjandi myndir. ...

Read More

Vilja fylla Krikann af tölvuleikjanördum

Eins og fram hefur komið víða í fjölmiðlum undanfarið þá ætlar Fimleikafélag Hafnarfjarðar (FH) að bjóða upp á rafíþróttir (e. eSports) innan félagsins og undir hatti knattspyrnudeildar a.m.k. til að byrja með. Hallsteinn Arnarson hjá FH segir að félagið hafi lengi skoðað að byrja með rafíþróttir í félaginu. „Við höfum fundið fyrir miklum áhuga á rafíþróttum hjá börnum og unglingum í Hafnarfirði og nágrannasveitarfélögum. Í mörgum tilvikum er um að ræða einstaklinga sem hafa ekki áhuga á hefðbundnum íþróttum eða hafa hætt í fótbolta, handbolta eða frjálsum en vilja samt tilheyra FH fjölskyldunni.“ Hann segir að félagið vilji m.a....

Read More