Karlmaður lést eftir fall úr byggingarkrana á vinnusvæði í Hafnarfirði í fyrradag. Tilkynning um slysið barst síðdegis í gær og héldu lögreglan og sjúkraflutningamenn þegar á vettvang og hófu endurlífgunartilraunir.

Þetta kemur fram í tilkynningu frá lögreglunni, þar sem einnig segir:

„Maðurinn var síðan fluttur á Landspítalann þar sem hann var úrskurðaður látinn. Ekki er hægt að greina frá nafni hins látna að svo stöddu. Lögreglan og Vinnueftirlitið rannsaka tildrög slyssins.“