Flokkur: Fyrirtækin í bænum

Foreldrar mikilvægir í málþroska barna

Hafnarfjarðarbær stendur fyrir fræðslu fyrir foreldra ungra barna með það að markmiði að auka vitund foreldra um mikilvægi málþroska. Fjölmargar rannsóknir hafa sýnt að með því að byrja örvun málþroska snemma er hægt að styrkja undirstöðuþætti læsis og styðja við góðan námsárangur. Þetta verkefni er hluti af læsisstefnu Hafnarfjarðar og unnið í nánu samstarfi við Bókasafn Hafnarfjarðar og heilsugæslustöðvarnar í Hafnarfirði. Við hittum talmeinafræðingana Bjarteyju Sigurðardóttur og Ásthildi Bj. Snorradóttur, frá skrifstofu Mennta- og lýðheilsusviðs. Liður í læsisstefnu Hafnarfjarðarbæjar sem hófst formlega árið 2014 var að mæla orðaforða barna við 3 ára aldur í leikskólum í Hafnarfirði. Niðurstöður sýna...

Read More

30 ára Pylsubar stækkar í vor

Hið vinsæla og rótgróna fyrirtæki Pylsubarinn í Hafnarfirði á 30 ára afmæli um þessar mundir. Fyrirhuguð er stækkun húsnæðisins til að auka þægindi fyrir viðskiptavini. Eigandi Pylsubarsins, Pétur Viðarsson, hlakkar til að fagna þessum merku tímamótum með sínu fólki. Pétur Viðarsson og fjölskylda keyptu Pylsubarinn í maí í fyrra og segir hann undanfarið ár hafa verið í sann erfitt og gefandi. „Þetta var stress fyrsta sumarið þegar ég var að ná utan um hlutina. Ég var oft mjög þreyttur en samt glaður þetta er bara svo skemmtileg vinna og reksturinn hefur gengið vel. Ég er líka afar þakklátur fyrir...

Read More

Sorgarmiðstöð opnar í St. Jó

Sorgarmiðstöð og Hafnarfjarðarbær hafa gert með sér samstarfssamning til þriggja ára sem felur meðal annars í sér að Sorgarmiðstöðin fær aðstöðu í nýju lífsgæðasetri í St. Jó gegn því að bjóða upp á fræðslu á sviði sorgarúrvinnslu fyrir grunnskóla og stofnanir bæjarins á sama tíma og þjónustan verður aðgengileg fyrir íbúa og aðra á besta stað í sveitarfélaginu. Öll starfsemi í Lífsgæðasetri St. Jó á að stuðla að bættum lífsgæðum og fylgja þannig þeim anda, hlýju og umhyggju sem húsið hefur alla tíð borið með sér, allt frá því er St. Jósefssystur hófu þar starfsemi fyrir tæpum 100 árum....

Read More

St. Jó opnar formlega á ný

Húsnæði St. Jósefsspítala átti 93 ára vígsluafmæli daginn sem lífsgæðasetur var formlega opnað þar í liðinni viku. Þetta sögufræga hús mun framvegis hýsa starfsemi fyrirtækja sem byggja á gildum setursins og snúa að heilsu, samfélagi og sköpun. Fimmtán fyrirtæki eru þegar komin með aðstöðu í setrinu og munu þau bjóða upp á fjölbreytta þjónustu, m.a. í anda lýðheilsu. Fjölmenni mætti á opnuna og hlýddi á erindi forseta Íslands, Guðna Th. Jóhannessonar, bæjarstjórans Rósu Guðbjartsdóttur, bæjarminjavarðarins Björns Péturssonar og Evu Michelsen, verkefnastjóra setursins.  Húsið teiknaði Guðjóni Samúelsson, húsameistari ríkisins, og smíði þess hófst árið 1924. Í anddyriu hefur starfsfólk Byggðasafns...

Read More

Opið hús hjá Oddfellow og myndarlegir styrkir 

Fjölmenni kynnti sér starf Oddfellowreglunnar á Íslandi í tilefni af 200 ára afmæli hennar um þarliðna helgi. Húsakynni Oddfellow á landsvísu voru þann dag í fyrsta sinn opin almenningi. Regludeildirnar í Hafnarfirði, sem eru sjö talsins og telja um 500 manns, tóku á móti gestum í bækistöðvum sínum við Staðarberg 2. Af þessu stóra tilefni sameinuðust regludeildirnar, ásamt styrktar- og líkarsjóði Oddfellow, um að styrkja Heilsugæsluna í Firði, Heilsugæsluna á Sólvangi og Heilsugæsluna í Garðabæ um samtals 9 milljónir króna. Fulltrúar heisugæslanna veittu styrkjunum viðtöku og Rósa Guðbjartsdóttir bæjarstjóri þakkaði Oddfellow fyrir hönd Hafnarfjarðarbæjar. Myndir...

Read More