Flokkur: Fyrirtækin í bænum

Fyrsti leikutakinn kominn í St. Jó

Fyrstu samningar fyrir nýja leigutaka í Lífsgæðasetri St. Jósefsspítala voru undirritaðir sl. mánudag, 15. apríl. Á komandi vikum verða kynnt þau fyrirtæki og einstaklingar sem koma til með að hafa aðstöðu á 2.hæð Lífsgæðaseturs St. Jósefspítala að Suðurgötu 41 í Hafnarfirði. Fyrsta verkefnið nefnist Örmælir og það er frumkvöðlafyrirtæki sem vinnur að því að þróa tæki sem vísindamenn í heilbrigðisrannsóknum geta nýtt sér. Tækið kemur við sögu í krabbameinsrannsóknum og ýmsum rannsóknum á genagöllum sem dæmi. Að fyrirtækinu standa Sunna Björg Skarphéðinsdóttir lífeðlisfræðingur og Einir Guðlaugsson rafmagnsverkfræðingur. Forsíðumynd:...

Read More

Forseti Íslands og frú með á Stóra plokkdeginum

Forseti Íslands herra Guðni Th. Jóhannesson og Elíza Reid forsetafrú ætla að taka þátt í Stóra Plokkdeginum 28. apríl næstkomandi. Forsetinn hefur ekki látið sitt eftir liggja þegar kemur að umhverfismálum. Hann er liðtækur plokkari eins og marg oft hefur komið fram en íslendingar hafa marg oft „staðið hann að verki“ þegar hann plokkar í kringum Bessastaði. Þegar þetta er skrifað hafa Hafnarfjörður, Kópavogur, Reykjavíkurborg og Mosfellsbær ákveðið að styðja við verkefnið og fleiri eru að bætast í bakhjarla átaksins. Hægt er að slást í hópinn með því að finna hópinn á Facebook undir Plokk á Íslandi og gerast...

Read More

Hreinsum Hafnarfjörð – áskorun til íbúa og fyrirtækja

Dagana 11. apríl – 20. maí standa yfir hreinsunardagar í Hafnarfirði og eru íbúar og starfsmenn fyrirtækja hvattir til að taka virkan þátt með því að skipuleggja hreinsunardag eða taka þátt í slíkum degi í sínu hverfi. Starfsmenn Hafnarfjarðarbæjar í Ráðhúsi og á Norðurhellu, með bæjarstjóra í broddi fylkingar, ætla að hreinsa Víðistaðatún á sameiginlegum hreinsunardegi í dag föstudag og undirbúa túnið þannig fyrir Sumardaginn fyrsta. Hafnfirðingar og fyrirtæki í Hafnarfirði eru upp til hópa meðvituð um umhverfi sitt og hafa á síðustu misserum lagt sitt að mörkum til hreinsunar og tiltektar í sveitarfélaginu. Þetta framlag skiptir sköpum og...

Read More

VON mathús hlaut aftur viðurkenningu

Veitingastaðurinn VON mathús varð í dag, 2. árið í röð, fulltrúi Hafnfirðinga í hópi þeirra 18 sem hlutu viðurkenningu Markaðsstofunnar Icelandic Lamb Award of Excellence. Þetta er í þriðja sinn sem slíkar viðurkenningar eru veittar og koma þær í hlut þeirra veitingastaða sem þykja hafa skarað fram úr í framreiðslu á íslensku lambakjöti og áherslu á lambakjöt á matseðli og markaðssetningu. Viðurkenningarnar veitir Icelandic lamb til samstarfsveitingastaða sem þykja hafa skarað fram úr á liðnu ári. Í dómnefndinni í ár sátu Eva Laufey Kjaran, Ólafur Örn Ólafsson og Andrés Vilhjálmsson. Eftirtaldir veitingastaðir hljóta Award of Excellence-viðurkenningar árið 2019: Apotek...

Read More

Sóltún öldrunarþjónusta tekur við rekstri Sólvangs

Sóltún öldrunarþjónusta hefur tekið við rekstri hjúkrunarheimilisins Sólvangs í Hafnarfirði í kjölfar útboðs Ríkiskaupa fyrir hönd Sjúkratrygginga Íslands á síðasta ári. Sóltún öldrunarþjónusta tekur við rekstrinum af ríkinu sem hefur rekið heimilið síðan 1991. Þetta kemur fram í fréttatilkynningu. „Við teljum hér vera spennandi tækifæri á Sólvangi og hlökkum til að bjóða upp á hjúkrunarþjónustu sem byggir á hugmyndafræði sem hefur gefið mjög góða raun á hjúkrunarheimilinu Sóltúni í Reykjavík, en það hefur verið rekið við góðan orðstír til margra ára. Hugmyndafræði Sóltúns hefur umhyggju fyrir einstaklingnum í fyrirrúmi, þar sem sjálfræði hans er virt í allri umönnun. Heimilisandi...

Read More