Flokkur: Fyrirtækin í bænum

Bærinn og starfsfólk í góðum höndum

Hafnarfjarðarbær fékk á dögunum jafnfréttisviðurkenningu Jafnréttisráðs, sem fjallað er nánar um í blaðinu. Vakið hefur eftirtekt á landsvísu hversu margar konur sinna stjórnunarstörfum hjá Hafnarfjarðarbæ og gripum við hjá Fjarðarpóstinum því tækifærið og fengum nokkrar að stilla sér upp á mynd. Fyrirsögnin vísar í það í hversu góðum höndum bærinn er og líka í hversu góðum höndum starfsfólk hans er þegar jafnréttisstefna er í hávegum höfð.  Frá vinstri: Rósa Steingrímsdóttir, sviðsstjóri fjármálasviðs, Fanney Dóróthe Halldórsdóttir, sviðsstjóri fræðslu- og frístundaþjónustu, Rannveig Einarsdóttir, sviðsstjóri fjölskylduþjónustu, Sigríður Kristinsdóttir, sviðsstjóri stjórnsýslu og bæjarlögmaður, Berglind Guðrún Bergþórsdóttir, mannauðsstjóri og Lúvísa Sigurðardóttir, gæðastjóri. Þá er samskiptastjórinn Árdís...

Read More

Starfshópur útfærir tillögu um lífsgæðasetur

Fyrsta tillaga starfshóps sem vinnur að mótun framtíðarstefnu um nýtingu á St. Jósefsspítala gerir ráð fyrir að efla Hafnarfjörð sem heilsubæ og halda í heiðri því fræðslustarfi sem systurnar á spítalanum unnu ötullega að. Er því lagt til svokallað lífsgæðasetur, að í húsinu verði samfélag sem býður upp á forvarnir, heilsuvernd, snemmtæka íhlutun, fræðslu og skapandi setur. Á fundi bæjarráðs í gær var starfshópnum falið að útfæra frekar tillögu hópsins um svokallað lífsgæðasetur. Í tillögunni er gert ráð fyrir að efla Hafnarfjörð sem heilsubæ og halda í heiðri því starfi sem St.Jósefssystur unnu að. Í lífsgæðasetri yrði til samfélag sem...

Read More

Brjálæðislegt brettafólk hélt upp á Hrekkjavöku

Brettafélag Hafnarfjarðar efndi um liðna helgi til árlegrar Halloween gleði í afar vel skreyttum húsakynnum félagsins við Flatahraun. Þar kepptu og léku listir sínar skemmtilega skreyttir krakkar og foreldrarnir gáfu ekkert eftir í búningagleðinni. Boðið var upp á veitingar og fjöldi styrktaraðila gaf viðurkenningar. Fjarðarpósturinn kíkti við og smellti af nokkrum myndum. Fleiri myndir eru á Facebook síðu Brettafélagsins. Myndir: Olga...

Read More

Ingibjörg Aldís á hádegistónleikum

Þriðjudaginn 7. nóvember kl. 12 kemur fram sópransöngkonan Ingibjörg Aldís Ólafsdóttir á hádegistónleikum í Hafnarborg. Antonía Hevesi leikur undir að vanda og munu þær Ingibjörg flytja dramatískar aríur eftir G. Verdi og G. Puccini fyrir tónleikagesti en yfirskrift tónleikanna er Dauði og dramatík. Hádegistónleikar Hafnarborgar eru haldnir mánaðarlega. Þeir hefjast kl. 12 og standa yfir í um hálfa klukkustund, þeir eru öllum opnir á meðan húsrúm leyfir. Húsið er opnað kl. 11.30. Mynd af Hafnarborg: Olga...

Read More

Hressleikar til góðs í tíunda sinn

Uppselt er á Hressleikana sem haldnir verða haldnir í 10. sinn næstkomandi laugardag 4. nóvember. Hressleikarnir eru einstaklega gleðilegur viðburður þar sem kærleikur, vinátta og gleði fara saman. Iðulega hefur verið safnað verulegum fjárhæðum sem hafa svo runnið til fjölskyldna sem þurfa á stuðningi að halda. Allt starfsfólk hress gefur vinnuna sína þennan dag og 250 manns taka þátt.    Það er einstök fjölskylda úr Áslandinu sem Hress ætlar að styrkja í ár. Steinvör V. Þorleifsdóttir og Kristjón Jónsson voru mikið útivistarfólk í gegnum tíðina, stunduðu fjallamennsku og ferðuðust um landið enda miklir náttúruunnendur. Þau kynntust í Hjálparsveit Skáta...

Read More