Flokkur: Stjórnmál

Hreinsum Hafnarfjörð – áskorun til íbúa og fyrirtækja

Dagana 11. apríl – 20. maí standa yfir hreinsunardagar í Hafnarfirði og eru íbúar og starfsmenn fyrirtækja hvattir til að taka virkan þátt með því að skipuleggja hreinsunardag eða taka þátt í slíkum degi í sínu hverfi. Starfsmenn Hafnarfjarðarbæjar í Ráðhúsi og á Norðurhellu, með bæjarstjóra í broddi fylkingar, ætla að hreinsa Víðistaðatún á sameiginlegum hreinsunardegi í dag föstudag og undirbúa túnið þannig fyrir Sumardaginn fyrsta. Hafnfirðingar og fyrirtæki í Hafnarfirði eru upp til hópa meðvituð um umhverfi sitt og hafa á síðustu misserum lagt sitt að mörkum til hreinsunar og tiltektar í sveitarfélaginu. Þetta framlag skiptir sköpum og...

Read More

Rekstrarafgangur og lækkuð skuldaviðmið

Ársreikningur Hafnarfjarðarbæjar fyrir árið 2018 var lagður fram í bæjarráði í dag. Fjárhagsstaða Hafnarfjarðarbæjar heldur áfram að styrkjast þrátt fyrir miklar fjárfestingar á árinu og óhjákvæmilegar lántökur. Rekstrarafgangur ársins fyrir A og B hluta bæjarsjóðs nam 1.129 milljónum króna en áætlun gerði ráð fyrir 799 milljónum króna afgangi. Veltufé frá rekstri var 3.863 milljónir króna eða 14,4% af heildartekjum. Þetta kemur fram í fréttatilkynningu frá Hafnarfjarðarbæ.  „Ársreikningur Hafnarfjarðarbæjar sýnir ábyrga fjármálastjórn og trausta fjárhagsstöðu. Skuldaviðmið sveitarfélagsins heldur áfram að lækka og rekstrarniðurstöður heilt yfir eru jákvæðar og yfir áætlunum“ segir Rósa Guðbjartsdóttir, bæjarstjóri Hafnarfjarðar, um niðurstöður ársreikningsins sem kynntur...

Read More

Gerðu samstarfssamning við UNICEF

Gleði og eftirvænting ríktu í Hafnarfirði í dag þegar Bergsteinn Jónsson, framkvæmdastjóri UNICEF á Íslandi, og Rósa Guðbjartsdóttir bæjarstjóri Hafnarfjarðar, undirrituðu samstarfssamning. Með samningnum hefur Hafnarfjarðarbær vinnu við að innleiða Barnasáttmála Sameinuðu þjóðanna og stefnir bæjarfélagið að því að hljóta viðurkenningu sem barnvænt sveitarfélag UNICEF á Íslandi. Með undirrituninni í dag skuldbinda fulltrúar Hafnarfjarðarbæjar sig til þess að setja upp „barnaréttindagleraugun“ þegar verk- og ákvarðanaferli eru skoðuð og að forsendur Barnasáttmála Sameinuðu þjóðanna gangi sem rauður þráður í gegnum þjónustu sveitarfélagsins. „Þetta er mjög gleðilegt og jákvætt skref í þá átt að byggja upp breiðfylkingu sveitarfélaga á Íslandi sem...

Read More

Opið fyrir umsóknir um lóðir í Skarðshlíð

Opnað hefur verið fyrir umsóknir í fyrstu úthlutun íbúðahúsalóða í Skarðshlíð 3. áfanga. Umsóknarfrestur í fyrstu úthlutun lóðanna er 22. apríl 2019. Samhliða er kynnt ný upplýsingasíða fyrir Skarðshlíðina skardshlidin.is. Skarðshlíðin er fjölskylduvænt íbúðahverfi í Hafnarfirði sem liggur á flata og í brekku sunnan og vestan í Ásfjalli. Við hönnun og skipulag hverfisins hefur áhersla verið lögð á heildræna sýn, heildrænar götumyndir, vistvænt skipulag, sjálfbærni, grænt yfirbragð og fjölbreytt útisvæði. Stutt er í alla þjónustu, möguleikar á að starfa í heimabyggð miklir og mikil nálægð við uppland Hafnarfjarðar og fallegar náttúruperlur. Blönduð byggð íbúðahúsa Í Skarðshlíðarhverfi rís blönduð byggð einbýlishúsa,...

Read More

„Viðkvæm og mikilvæg þjónusta í óvissu“

Bæjarstjórn Hafnarfjarðar samþykkti á fundi sínum miðvikudaginn 20. mars að draga sig úr samstarfi sveitarfélaga á höfuðborgarsvæðinu um ferðaþjónustu fyrir fatlað fólk. Í fréttatilkynningu frá Samfylkingunni í Hafnarfirði segir að með ákvörðun sinni sé meirihluti bæjarstjórnar að leita leiða til þess að spara og draga úr kostnaði við rekstur ferðaþjónustu fyrir fatlað fólk.  Segir ennfremur í tilkynningunni: „Það er táknrænt að byrjað skuli á hópi fatlaðs fólks þegar leitað er hagræðingar og sparnaðar í rekstri. Ákvörðunin er tekin án samráðs við notendur þjónustunnar og án þess að bærinn hafi framkvæmt sjálfstætt mat á því hvort sveitarfélagið geti gert betur...

Read More