Flokkur: Umfjöllun

Á þrjú verk í Ófærð 2

Leikmyndahönnuður þáttaraðanna Ófærðar, Þórunn Sveinsdóttir, leitaði í smiðju hafnfirska myndlistarmannsins Kristbergs Ó. Péturssonar til að ná fram viðeigandi stemningu í leikmynd fyrir þættina. Þrjá myndir Kristbergs munu prýða veggi lögreglustöðvarinnar og yfirheyrsluherbergis í þáttunum. Fjarðarpósturinn hitti Kristberg í Læk við Hörðuvelli, þar sem hann kennir myndlist einu sinni í viku.   „Ég kem hingað sem verktaki og kenni frá klukkan eitt til þrjú. Ég er þó alltaf mættur klukkan hálf tólf til að borða með þeim hádegismat og fæ mér svo kaffi og spjalla við þau sem hér eru. Hér er mjög góður matur, ljúfur andi og gott fólk,“...

Read More

Blakdeild Hauka skrifaði nýjan kafla

Fyrsti opinberi blakleikur Hauka fór fram á Ásvöllum um þarliðna helgi þegar Haukar mættu Þrótti Reykjavík í Kjörísbikar kvenna. Leikurinn fór 3-0 fyrir Þrótti en í bikarleik Kjörísbikarsins verður sigurliðið að vinna 3 hrinur. Getur því leikurinn farið mest upp í 5 hrinur. Þjálfari Haukaliðsins er Karl Sigurðsson og fyrirliði Steinunn Jenný Skúladóttir. Síðasti opinberi leikur í blaki var haldinn 1974 við Strandgötu.  Fjöldi fólks mætti á áhorfendapallana á Ásvöllum og studdu sitt lið áfram í leiknum. Jason Ívarsson, formaður Blaksambands Íslands, veitti fyrir leikinn Karólínu Helgu Símonardóttur, formanni blakdeildar Hauka, viðurkenningu vegna leiksins. Fjarðarpósturinn heyrði í Karólínu: „Við...

Read More

Lífið lengt um 5 til 10 ár

Um 250 manns troðfylltu sal Félags eldri borgara við Flatahraun þegar Janus Guðlaugsson, PhD-íþrótta- og heilsufræðingur, kynnti samstarfsverkefni sitt og Hafnarfjarðarbæjar. Um er að ræða markvissa heilsueflingu allt að 160 Hafnfirðinga á aldrinum 65 ára og eldri í eitt og hálft ár. Mikill fjöldi skráði sig á lista á staðnum og allt lítur út fyrir að ærið „lúxusvandamál“ bíði bæjarins með að koma til móts við fjöldann ef hann fer yfir mörkin, enda eru um 3500 Hafnfirðingar á þessum aldri. Fjarðarpósturinn plataði Janus í stutt viðtal að kynningu lokinni, en hann er sjálfur Hafnfirðingur og hóf þessa vegferð sína...

Read More

Fuglager vegna bilunar í fráveitu

Íbúi við Norðurbakka hafði samband við Fjarðarpóstinn og sagðist ítrekað hafa kvartað við bæjaryfirvöld vegna skólprörs sem nær út í sjóinn rétt við íbúðablokkirnar þar sem dælustöðin er. Máva- og fuglagerið þarna við hornið sé stundum óbærilegt, mávarnir skíti á rúðurnar og svalirnar og hann sjái furðu lostna ferðamenn sem labbi þarna fyrir hornið við bryggjuna. Einnig finni gangandi vegfarendur fyrir ólykt við dæludstöðina. Við höfðum samband við Guðmund Elíasson, umhverfis- og veitustjóra hjá Umhverfis- og skipulagsþjónustu Hafnarfjarðarbæjar.  „Rörið sem um er að ræða er svokallað yfirfallsrör eða neyðarútrás. Það er ekki nýtt nema ef um bilanir eða viðhald...

Read More

Bilun í dælu- og hreinsistöð í Hraunavík

Bilun kom upp í frárennslis dælum í dælu- og hreinsistöð Hafnarfjarðarbæjar í Hraunavík í dag. Eftir athuga var ljóst að ekki var óhætt að keyra hreinsibúnað stöðvarinnar á fullum afkostum meðan unnið er að viðgerðum. Hluti skólps frá stöðinni mun frá og með þessum klukkutíma renna fram hjá kerfinu og beint út í sjó í gegnum frárennslisrör sem nær tvo kílómetra út í sjó. Viðgerð mun taka sólarhring eða tvo í mesta lagi að mati þeirra sem eru á vettvangi. Heilbrigðiseftirliti bæjarins var gert viðvart áðan um bilunina um leið og hennar var vart og ljóst var til hvaða aðgerða...

Read More