Flokkur: Umhverfismál

Fengu Græna ljósið frá Orkusölunni

Hafnarfjarðarbær og Hafnarfjarðarhöfn fengu á dögunum Græna ljósið frá Orkusölunni sem staðfestir og vottar að sveitarfélagið og höfnin nota í rekstri sínum 100% endurnýjanlega raforku með upprunaábyrgðum samkvæmt alþjóðlegum staðli. Þetta skref og þessi vottun er liður í grænni vegferð sveitarfélagsins. Eitt af yfirlýstum markmiðum Hafnarfjarðarbæjar er að vera í fararbroddi í sjálfbærni og umhverfismálum, draga úr losun gróðurhúsalofttegunda og myndunar úrgangs. Sveitarfélagið hefur tekið umhverfismálin föstum tökum og meðal annars einsett sér að draga verulega úr myndun mengunar og úrgangs með ábyrgum innkaupum, neyslu og aukinni endurvinnslu. Þannig er þessi vottun enn eitt skrefið í átt að grænni...

Read More

Hafnarfjarðarbær hvetur til vistvænna framkvæmda

Bæjarstjórn Hafnarfjarðar hefur samþykkt sjö tillögur að aðgerðum til að hvetja húsbyggjendur að setja umhverfið í forgang í samræmi við Heimsmarkmið Sameinuðu þjóðanna um sjálfbæra þróun, auknar kröfur um minni losun gróðurhúsalofttegunda út í andrúmsloftið og aukna umhverfisvitund almennings. Á fundi bæjarstjórnar 29. maí sl. var meðal annars samþykkt að veita 20-30% afslátt af lóðarverði til að hvetja framkvæmdaraðila til þess fá Svansvottun, BREEAM vottun eða sambærilegt á nýbyggingar. Þetta kemur fram í frétt á vefsíðu bæjarins.  Tillögurnar eru afrakstur vinnufunda um skipulag og framkvæmdir frá sjónarmiði um sjálfbærni með umhverfis- og framkvæmdaráði og skipulags- og byggingaráði ásamt embættismönnum...

Read More

Staður til lifa – og búa

Miklar breytingar eru að verða á bænum okkar eftir því sem tímanum líður, sem er gott, enda þarf bæjarfélag að vaxa og þróast með íbúum sínum. Á Holtinu hefur þegar orðið mikil þétting byggðar, eftir því sem iðnaðarhverfi urðu að íbúahverfum og heldur sú þróun áfram. Nú þegar er verið að deiliskipuleggja svæði kringum Flensborgarhöfn og stutt í að iðnaðarhverfið uppi á Holti verði breytt í íbúabyggð – væntanlega ekki meira en áratugur. Breytt búseta kallar einnig á breyttar áherslur – t.d. eru fleiri nú sem ekki hafa aðgengi að görðum og því verða græn svæði enn mikilvægari en...

Read More

Margt í boði á umhverfisvænum markaði

Umhverfisvæni markaðurinn var í haldinn í fjórða sinn fyrir skömmu og í þetta sinn í Hafnarfirði, nánar tiltekið verslunarmiðstöðinni Firði. Margar af áhugaverðustu verslunum landsins með umhverfisvænar vörur voru á staðnum og dótahorn í boði fyrir krakkana. Fjarðarpósturinn kíkti við.  Þær verslanir og félagasamtök sem voru á markaðnum: Dóttir, Enjo á Íslandi, Ethic, Græn Viska, Hrísla, JóGu, Káti Fíllinn, Klaran.is, Mena, Mjallhvít, Modibodi, Reykjavík Tool Library, Rúnbrá, Samtök grænkera á Íslandi, Tropic.is og Vistvera. Þess má geta til gamans að hin systirin í fyrirtækinu Rúnbrá eignaðist barn þennan sama dag....

Read More

Endurvinnslan opnar nýja flöskumóttöku

Endurvinnslan hf. opnaði nýja og glæsilega flöskumóttöku 9. maí að Skútahrauni 11 í Hafnarfirði á 30 ára afmæli fyrirtækisins. Stöðin er í sömu götu og slökkvistöðin. Bæjarstjóri Hafnarfjarðar, Rósa Guðbjartsdóttir, mætti í opnunina. Í stöðinni eru þrjár fullkomnar talningarvélar sem telja og flokka heilar umbúðir og geta afkastað um 20 milljónum eininga á ári. Einnig er hægt að koma með beyglaðar umbúðir ef þær eru flokkaðar og taldar. Allt efni er unnið á staðnum til að lágmarka flutninga. Stöðin stórbætir þjónustu fyrir íbúa í Hafnarfirði og Garðabæ. Opnunartími er 10:00 – 18:00 virka daga og 12:00 – 16:30 á laugardögum....

Read More