Við brautskráningu í Flensborg í gær veitti stjórn Fræðslusjóðs Jóns Þórarinssonar Bryndísi Skarphéðinsdóttur styrk sem var kr. 400.000,-.

Bryndís lauk stúdentsprófi frá Flensborg 2010 og hefur síðan m.a. stundað nám í Alþjóðlegum Heilsufræðum, sem snýr að heilsueflingu og fyrirbyggingu sjúkdóma á alþjóðlegum vettfangi, verið í starfi hjá UN-Women, stefnir á nám í Þróunarfræðum þar sem lögð er áhersla á þróunarmál og hvernig sé hægt að vinna með fyrirtækjum til að stuðla að stefnumótun fyrir sjálfbæra þróun. Hún var því miður ekki viðstödd athöfnina enda stödd í Suður Ameríku vegna starfa sinna.

Á myndinni sést móðir Bryndísar taka við styrknum.

Fræðslusjóður Jóns Þórarinssonar úthlutaði styrkjum fyrst árið 1992 og er þetta í 26. sinn sem úthlutað er. Nemendur sem hafa útskrifast frá Flensborg geta sótt um styrk og má ætla að um eða yfir sextán milljónum hafi verið úthlutað, á uppreiknuðu verði.

Sjá nánar: https://gamli.flensborg.is/Upplysingar/Fraedslusjodur/ og á vef skólans flensborg.is