Félag eldri borgara í Hafnarfirði stóð fyrir fundi í Hraunseli með frambjóðendum þeirra stjórnmálaflokka sem bjóða fram í komandi sveitarstjórnarkosningum í Hafnarfirði. Einhverjir sögðu frá uppruna sínum í Hafnarfirði og „hverra manna“ þeir voru, einn sagði sögur af uppáhaldi sínu, Ragga Bjarna og annar fóru á enn persónulegri nótur til að undirstrika mikilvægi málefni eldri borgara frá sinni hlið. Töluvert var af spurningum úr sal og svöruðu frambjóðendur þeim eftir bestu getu. Heilmiklar umræður skópust undir lokin um dvínandi áhuga yngri kynslóða á kosningum og voru viðstaddir sammála um að eitthvað þyrfti róttækt að gera til að fólk á öllum aldri nýti atkvæðisrétt sinn. 

 

Myndir OBÞ