Helga Ingólfsdóttir, bókari og bæjarfulltrúi, óska eftir stuðningi í 3. sæti í prófkjöri Sjálfstæðisflokksins í Hafnarfirði sem fram fer 10. mars n.k. Hér er tilkynning frá Helgu:

Á líðandi kjörtímabili hef ég verið formaður Umhverfis- og framkvæmdaráðs og varaformaður Fjölskylduráðs. Ég er formaður verkefnastjórnar um byggingu nýs hjúkrunarheimilis að Sólvangi og hef auk þess komið að fjölmörgum stefnumarkandi verkefnum á kjörtímabilinu.

Helstu áherslumál mín eru:

Traust og ábyrg fjármálastjórn með skynsemi að leiðarljósi er lykilatriði. Einnig góð umgjörð og aðstaða nemenda og starfsfólks grunn- og leikskóla ásamt því að styðja við öflugt starf íþrótta og tómstundafélaga.

„Mér finnst mikilvægt að í boði sé leikskóli fyrir öll börn frá 1. árs aldri og ég legg áherslu á að samþætta íþróttaiðkun barna með skólastarfi og minnka skutl foreldra“

Við þurfum greiðar samgöngur með áherslu á öryggi og val íbúa um ferðamáta og að umhverfismál verði sett í forgang í öllum málaflokkum. Tryggja þarf að lóðaframboð til íbúðauppbyggingar sé á hverjum tíma í samræmi við  íbúafjölgun og eftirspurn. Stuðningur við eldri borgara eftir starfslok þarf að vera margskonar og mæta ólíkum þörfum þessa hóps. Fjölga þarf búsetuúrræðum og atvinnutækifærum fyrir fatlað fólk. Áfram verði fjölgað íbúðum í félagslega kerfinu til stuðnings fyrir tekjulægri hópa.

„Ég hef brennandi áhuga á sveitarstjórnarmálum og vil bjóða fram krafta mína og reynslu til að vinna áfram að hagsmunamálum hafnfirðinga á næsta kjörtímabili“

Ég hef gengt fjölmörgum trúnaðarstörfum fyrir Sjálfstæðisflokkinn á löngu árabili. Ég var formaður fulltrúaráðs sjálfstæðisfélaganna í Hafnarfirði og varaformaður kjördæmisráðs SV kjördæmis 2007-2010.  Sit í efnahags og viðskiptanefnd Sjálfstæðisflokksins.  Einnig hef ég verið í stjórn VR frá 2013 og varaformaður frá 2017.

Ég hvet þig til að taka þátt í prófkjörinu og hafa þannig áhrif á framboðslista flokksins fyrir næstu bæjarstjórnarkosningar.

Kær kveðja

Helga Ingólfsdóttir