Hópur Flensborgarskólanema skellti sér á svið og söng og dansaði með Reykjavíkurdætrum á árlegum Flensborgardegi sem fram fór sl. mánudag, sem einnig er afmælisdagur skólans. Nemendur og starfsmenn fögnuðu því með því að halda jafnréttishátíð og jafnréttisviku.

Dagskráin hófst með ávarpi forseta Íslands og m.a. tók söngvarinn Páll Óskar einlægt samtal við nemendur og tók lagið í kjölfarið við miklar undirtektir. Fjölbreytt dagskrá var í boði sem var hæfileg blanda af skemmtun, uppskeruhátíð og fræðslu. Þá var afhentur afrakstur Flensborgarhlaupsins til Hugrúnar – geðfræðslu.

Fjarðarpósturinn náði að kíkja við í klukkutíma og smellti af myndum sem eru hér fyrir neðan.

Nánari umfjöllun og  fleiri myndir á Facebook síðu Flensborgarskólans.