Jóhanna Erla Guðjónsdóttir býður sig fram í 3. sæti á lista Framsóknar og óháðra fyrir sveitastjórnarkosningarnar í maí nk. Þetta kemur fram í tilkynningu frá stjórnmálaaflinu. 

Jóhanna Erla er félagsráðgjafi að mennt og starfar hjá Barnavernd Reykjavíkur.

,,Ég hef mikin áhuga á öllu sem snýr að velferð barna og félagsþjónustu og eftir samtöl mín við þá sem koma að þessu framboði þá veit ég að þessi mál verða ofarlega á forgangslistanum. Ég er einnig afar ánægð með hversu breið fylking Hafnfirðinga kemur að þessu framboði og að markmiðið sé að ná sátt meðal allra. Ég hlakka til að takast á við þetta verkefni og vona ég fái sæti á þessum sterka og frambærilega lista“.