Hinn afar fjölhæfi Hafnfirðingur, Jóhanna Guðrún Jónsdóttir og Max Petrov, sem kennir dans hjá Dansíþróttafélagi Hafnarfjarðar, stóðu uppi sem sigurvegarar í Allir geta dansað en úrslitaþátturinn var sýndur á Stöð 2 í kvöld. Vísir greinir frá. 

Í þætti kvöldsins dönsuðu Jóhanna og Max Paso Doble og Sömbu og fengu tíu frá öllum þremur dómurum þáttarins fyrir báða dansana. Einkunnir dómara giltu þó ekki í úrslitaþættinum heldur voru það atkvæði áhorfenda í símakosningu sem skáru úr um sigurvegarana. Áhorfendur kunnu þó einnig best að meta Jóhönnu Guðrúnu og Max og því sigruðu þau í keppninni.

Eins og margir vita á Jóhanna Guðrún rætur að rekja í Hafnarfjörð og allir atvinnudansaranir á lokakvöldinu kenna dans hjá Dansíþróttafélagi Hafnarfjarðar.

Mynd: skjáskot af vef Vísis.