Jólaþorpið í Hafnarfirði hefur verið valið sem einn af áhugaverðustu áfangastöðunum til að heimsækja í desember árið 2018 af ferðatímaritinu El Viajero sem fylgir El País, einu stærsta dagblaði sem gefið er út á Spáni.

Í greinininni er sagt að erfitt sé að muna þetta skrítna nafn sem „borgin“ beri en á sama tíma verður það ógleymanlegt eftir heimsókn í Jólaþorpið.

Hjá Markaðsstofu Hafnarfjarðar og Hafnarfjarðarbæ er fólk að vonum ánægt með þessa viðurkenningu og hlakka til að taka á móti Spánverjum sem og öðrum gestum sem eru spenntir að hitta jólasveinana, versla einstakar jólagjafir og heimsækja sundlaugar bæjarins á eftir.