Meistarafélag iðnaðarmanna í Hafnarfirði (MIH) og Félag iðn- og tæknigreina (FIT) afhentu í gær útibúi Tækniskólans, gamla Iðnskólans í Hafnarfirði, vinnusloppa fyrir nemendur skólans.

Fyrir nokkrum árum gáfu þessi félög sambærilega sloppa en þeir voru orðnir mikið notaðir og farnir að láta á sjá. MIH og FIT finnst mikilvægt að aðstoða skólann, og ekki síður nemendurna, við það að allt sé sem snyrtilegast, þ.m.t. vinnufatnaður nemanda. Bjarni Þorvaldsson, kennari við skólann í Hafnarfirði, tók á móti þessari höfðinglegu gjöf úr hendi Ágústs Péturssonar, formanns MIH og Hilmars Harðarsonar, formanns FIT.

Á meðfylgjandi myndum má sjá flotta nemendur í þessum glæsilega vinnufatnaði sem teknar voru við afhendingu fatnaðarins.

Þessi er aldeilis montinn í einum af sloppunum fínu.