Hafnfirðingurinn Orri Freyr Þorkelsson skoraði í morgun sigurmark íslenska landsliðsins gegn Þjóverjum á HM 19 ára og yngri í handbolta. Orri Freyr skoraði í þann mund sem leiktíminn rann út. þegar hann fór  inn úr vinstra horninu og kom boltanum framhjá þýska markverðinum.  Staðan endaði 28-27 í síðasta leik liðsins í B-riðli á HM í Georgíu í morgun. Vísir.is greinir frá.
Þetta mark tryggði Íslandi ekki bara sigur í leiknum heldur einnig sigur í riðlinum. Íslensku strákarnir unnu alla fimm leikina sína. Það kemur í ljós seinna í dag hverjir mótherjar þeirra í 16-liða úrslitum verða.

Þau sem hafa áhuga á að fylgjast með mótinu, þá bendum við á þessa slóð.

Mynd: Orri Freyr (lengst til hægri) ásamt fulltrúum Hafnfirðinga á landsliðinu, Andar Scheving og Darra Aronssyni.