Sjálfstæðisflokkurinn og Framsókn og óháðir í Hafnarfirði hafa komist að samkomulagi um myndun nýs meirihluta í bæjarstjórn Hafnarfjarðar. Þetta kemur fram í fréttatilkynningu sem Fjarðarpósturinn fékk rétt í þessu.

Ákveðið hefur verið að Rósa Guðbjartsdóttir verði bæjarstjóri, Ágúst Bjarni Garðarsson formaður bæjarráðs og Kristinn Andersen forseti bæjarstjórnar. Verið er að leggja lokahönd á málefnasamning nýs meirihluta sem kynntur verður stofnunum flokkanna og í kjölfarið opinberlega eftir helgi. Í samningunum er lögð áhersla á málefni fjölskyldunnar, eldri borgara og skilvirka þjónustu í þágu íbúa og fyrirtækja.