Tónlistar- og bæjarhátíðin Hjarta Hafnarfjarðar fer fram 29. ágúst til 2. september næstkomandi en hún er nú haldin annað árið í röð. Eins og nafnið gefur til kynna er hún haldin í miðbæ Hafnarfjarðar og þjónar Bæjarbíó, tónlistarhús bæjarbúa, þar lykilhlutverki. Ólíkt öðrum hátíðum þá samanstendur Hjarta Hafnarfjarðar ekki af einni risastórri dagskrá þar sem áhugasamir verða að kaupa sig inn á alla dagskrána, heldur kaupa gestir sig inn á einstaka, vandaða tónlistarviðburði sem hver og einn velur eftir sínum smekk. 

Hátíðin stendur í þrjá daga og mun einvalalið tónlistarfólks skemmta hátíðargestum. Meðal þeirra sem koma fram eru

– Hjálmar (Uppselt)

– Björgvin Halldórsson og hljómsveit (örfá sæti laus)

– Bjartmar Guðlaugsson (örfá sæti laus)

– Agent Fresco    

– Blúsmenn Andreu

Auk þess koma fram  fjöldi annarra listamanna sem við munum kynna á næstu dögum.

Hér er hægt að nálgast miða:

https://midi.is/tonleikar/1/10477/Bjorgvin_Halldorsson-Hjarta_Hafnarfjardar

https://midi.is/tonleikar/1/10480/Blusmenn_Andreu-Hjarta_Hafnarfjardar

https://midi.is/tonleikar/1/10476/Agent_Fresco-Hjarta_Hafnarfjardar

https://midi.is/tonleikar/1/10478/Bjartmar_Gudlaugsson-Hjarta_Hafnarfjardar

Tónleikarnir fara eins og áður kom fram, allir fram inn í Bæjarbíó en á “Hjarta” torginu fyrir aftan Bæjarbíó og Ráðhúsið verða svæði þar sem hægt er að slappa og hitta aðra hátíðar gesti. Þar verður boðið uppá veitingar frá nokkrum af bestu veitingastöðum bæjarins en þeir eru orðnir fjölmargir í bestu röð á landsvísu. Þar verður einnig stórt útijald og borðaðstaða fyrir alla að njóta.

Miðbær Hafnarfjarðar hefur síðustu misseri að taka á sig mynd “gourmet” matargerðar og menningar. Fyrir voru í Hafnarfiði mörg einstaklega vel heppnuð veitinga- og kaffi hús og dugir þar að nefna Súfistann, brautryðjanda kaffihúsamenningar á Íslandi. Fiskveitingastaðinn Tilveruna og svo VON sem opnaði í suðurenda miðbæjarins í fyrra. Þá hafa bæst við einstök kaffi hús eins og Pallet í suðurendanum og kaffihúsin Brikk og Norðurbakkinn í norðurenda miðbæjarins. Þá opnaðu veitingastaðurinn KRYDD í Hafnarborg um daginn og er þar um að ræða enn eina rósina í hnappagat miðbæjarins og þannig má segja að miðbærinn iði af matarmenningu þessa daganna.

Bæjarbíó er svo einskonar miðja í þessu þegar kemur að menningarlífinu því það má hæglega fullyrða að Bæjarbíó, þetta litla fallega tónlistarhús, sé næst duglegasta tónlistarhús borgarinnar þegar kemur að lifandi tónlist. Götulistaverk bæjarins ramma þetta skemmtilega inn og setja alþjóðlegan svip á umhverfið sem gerir miðbæ Hafnarfjarðar enn fallegri heim að sækja.

Miðbærinn iðar svo allur af litlum fallegum handverksverslunum og hönnunarbúðum og það væri að æra óstöðuguna að ætla að telja það allt upp hér sem hægt er að finna í Strandgötunni til að skoða og skemmta auganu kjósi fólk að sækja Hafnarfjörð heim á hátíðina “Hjarta Hafnarfjarðar”. Síðan er ein ör-fárra bókabúða sem ennþá er rekin í borginni á miðri Strandgötunni og þaðan hafa gárungarnir dregið sér það leyfi af kalla miðbæ Hafnarfjarðar “Notting Hill Íslands”

Það má því ljóst vera að heimsókn á bæjar- og tónlistarhátíðina Hjarta Hafnarfjarðar verður eitthvað alveg einstakt fyrir matar og tónlistarhjartað.

Við opnum húsið kl 19:00 alla dagana og lofum alvöru stemmingu fram að miðnætti . Í boði eru  dagpassar á hvern dag fyrir sig. Selt verður í númeruð sæti Miðasala er hafin á www.midi.is  Aldurstakmark er 20 ár . Allar nánari upplýsingar um dagskrána og annað sem vert er að vita er að finna á Facebook síðu Bæjarbíós og www.bæjarbíó.is. Hafnarfjarðarbær er sérstakur samstarfsaðili Hjarta Hafnarfjarðar.