Hin nánast alfróði Jónatan Garðarsson leiddi tónlistargöngu um miðbæ Hafnarfjarðar þar sem farið var á stórskemmtilegan hátt yfir helstu samkomustaði bæjarins sem voru vinsælir hér á árum áður fyrir böll og tónleikahald. Gangan hófst við Byggðasafnið og Strandgatan gengin, með viðkomustöðum við Austurgötu og endað í Víkingastræti. Fjarðarpósturinn slóst í för með og sá alls ekki eftir því.

Hafnarfjarðarbær stendur fyrir lýðheilsugöngum á miðvikudögum í september í samstarfi við Ferðafélag Íslands undir kjörorðunum „Lifum og njótum“. Um er að ræða fjölskylduvænar göngur sem taka um 60-90 mín. Tilgangurinn með verkefninu er sem fyrr að hvetja fólk á öllum aldri til útivistar og hreyfingar í góðum félagsskap og efla þar með heilsu sína og lífsgæði. Lögð er áhersla á sömu þemu og í fyrra, þ.e. náttúru, vellíðan, sögu og vináttu.

Myndir/OBÞ