Píratar á Suðurnesjum og Píratar í Hafnarfirði sendu tilkynningu til fjölmiðla þar sem þeir skora á stjórnvöld að klára tvöföldun Reykjanesbrautar og stórauka viðhald brautarinnar til að tryggja öryggi tugþúsunda skattgreiðanda og ferðamanna sem aka þarna daglega.

„Á sama tíma höfnum við gjaldtöku og tollahliðum á Reykjanesbraut, sem er tvísköttun sem skerðir áunnin borgararéttindi og sjálfsákvörðunarrétt íbúa. Ríkinu ber skylda til að finna varanlega fjármögnunarleið sem tryggir fé til að ljúka tvöföldun Reykjanesbrautar og tryggja árlegt viðhald. Þarna er um líf og dauða að tefla, við teljum að ekki megi tefja þetta verk lengur. Stjórn Pírata á Suðurnesjum Stjórn Pírata í Hafnarfirði.“

Mynd: skjáskot úr myndbandi sem sýnir þunga umferð á þessum kafla sl. vetur