Flokkur: Aðsent

Hreinsuðu skólahverfið á umhverfisdegi Öldutúnsskóla

Hinn árlegi umhverfisdagur Öldutúnsskóla var í dag og fóru allir nemendur og starfsmenn skólans út og hreinsuðu skólalóðina og skólahverfið. Vinaárgangar fara saman í verkefnið, þar sem eldri nemendur aðstoða yngri. Til að mynda voru 1. og 6. bekkur saman, 2. og 7. bekkur o.s.frv. Umhverfisdagurinn er í samvinnu við Hafnarfjarðarbæ sem lánar skólanum áhöld til hreinsunar. Einnig sækja starfsmenn bæjarins ruslið sem nemendur og starfsmenn týna. Markmið með þessu verkefni er meðal annars að auka tilfinningu nemenda fyrir snyrtimennsku í umhverfinu og kenna þeim ákveðin vinnubrögð við umhirðu. Nemendur létu smá vind og rigningu ekki á sig fá...

Read More

Melodica Hafnarfjörður – kósíkvöld á Pallett

Þann 18. maí verður tónlistarhátíðin Melodica Hafnarfjörður haldin í fyrsta sinn. Kaffihúsið Pallett, Strandgötu  er vettvangur hátíðarinnar og stendur hátíðin frá kl. 16:00 til 22:30. Þeir listamenn sem koma fram á hátíðinni eru Charlie Rauh (frá Bandaríkjunum), One Bad Day, Beggi Smári, Sveinn Guðmundsson, Fanney Kristjáns, Markús, Tryggvi, Inga Björk og fleiri.  Í stað eiginlegs aðgangseyris gefst gestum kostur á að leggja fram frjáls peningaframlög í samskotabauk sem verður á staðnum. Melodica festival er alþjóðlegt tengslanet listamanna sem heldur sjálfstæða tónleika án yfirbyggingar. Hugmyndin byggir á að efla samfélag og samstarf tónlistarfólks á hverjum stað og á milli landa....

Read More

Vortónleikar Kammerkórs Hafnarfjarðar

Kammerkór Hafnarfjarðar fer til höfuðborgarinnar sunnudaginn 19. maí og heldur vortónleika í Háteigskirkju kl. 20:00. Á efnisskránni verða róleg og rómantísk verk úr ýmsum áttum, sem flest hafa verið samin eða útsett á síðustu 25 árum. Meðal annars verða sungin verk eftir Morten Lauridsen, Ola Gjeilo, Arvo Pärt, Pärt Uusberg, Ērik Ešenvalds og fleiri tónskáld. Auk þess að láta tónlistarhæfileika sína í ljós fá kórfélagar að sýna hvað í þeim býr á tungumálasviðinu, því á tónleikunum munu hljóma samtals tíu tungumál, þar á meðal eistneska, xhosa, samíska og álfatunga. Píanóleikari á tónleikunum er Ástríður Alda Sigurðardóttir. Stjórnandi kórsins er...

Read More

Fjölbreytt starfsemi flytur í Lífsgæðasetur St. Jó

Undanfarnar vikur og mánuði hefur verið nóg um að vera í undirbúningi fyrir Lífsgæðasetur St. Jó sem hefur aðsetur að Suðurgötu 41 í Hafnarfirði. Undirbúningur hefur staðið yfir í tæp 2 ár eða frá því Hafnarfjarðarbær festi kaup á húsnæðinu sumarið 2017 og lagði upp með að finna nýtt hlutverk fyrir fyrrum St. Jósefsspítala. Tæplega helmingur leigutaka hefur gengið frá undirritun leigusamninga fyrir fyrsta áfanga hússins. Þetta kemur fram í fréttatilkynningu frá fulltrúum lífsgæðasetursins.  Lífsgæðasetur St. Jó er samfélag sem býður upp á forvarnir, heilsuvernd, snemmtæka íhlutun, fræðslu og skapandi setur. Allir rekstraraðilar eiga það sammerkt að auka lífsgæði sinna...

Read More

Coripharma kaupir lyfjaþróun Actavis

Lyfjafyrirtækin Coripharma og Teva hafa undirritað samkomulag um kaup Coripharma á lyfjaþróun Actavis í Hafnarfirði. Kaupverðið er ekki gefið upp. Við kaupin eignast Coripharma lyfjaþróunarverkefni sem starfsfólk Actavis hefur unnið að síðustu misseri, ásamt tækjum til rannsókna og lyfjaþróunar. Þá kaupir Coripharma þrjár byggingar við Reykjavíkurveg 78 og 80 sem bætast við lyfjaverksmiðjuna sem Coripharma keypti af Teva og hóf starfsemi í á síðasta ári. Þetta kemur fram í fréttatilkynningu frá Coripharma. Coripharma hefur sérhæft sig í framleiðslu lyfja fyrir önnur lyfjafyrirtæki um heim allan, og mun nú einnig bjóða þeim þjónustu sem snýr að rannsóknum og þróun ásamt því...

Read More