Fjölskylduráð Hafnarfjarðarbæjar samþykkti á síðasta fundi ráðsins breytingar á reglum varðandi gæludýrahald í félagslegum íbúðum sveitarfélagsins. Leyfilegt er nú orðið að halda hund eða kött í félagslegum íbúðum í eigu Hafnarfjarðarbæjar.

Leyfið er háð þeim skilyrðum að ef um sameiginlegan inngang eða stigagang er að ræða er hunda- og kattahald háð samþykki 2/3 hluta eigenda. Ef um sérinngang er að ræða er gæludýrahaldið leyfilegt.

Gæludýrahald hefur til þessa verið bannað í félaglegu húsnæði Hafnarfjarðarbæjar. Á næstu dögum verða breyttar reglur kynntar hlutaðeigandi.

Mynd frá Hafnarfjarðarbæ.