Strákarnir í hafnfirsku hljómsveitinni Trio North halda jólatónleika á vegum Hafnarfjarðarbæjar í Fríkirkjunni í Hafnarfirði, þriðjudaginn 18. desember kl. 21. Þeir fá til liðs við sig söngkonuna Gyðu Margréti Kristjánsdóttur sem er góðvinur hljómsveitarinnar. Saman munu þau flytja nokkur af helstu jólalögum samtímans sem allir þekkja með áhrifum frá djass, blús og poppi. Viðburðurinn er liður í eflingu menningarstarfs í Hafnarfirði.

Trio North skipa:
Gunnar Ágústsson: Bassi
Ragnar Már Jónsson: Saxafónn
Unnar Lúðvík Björnsson: Trommur

Miðaverð er 2000 kr og fást miðar á Tix.is og við inngang ef borgað er með reiðufé (hraðbanki nokkrum metrum frá Fríkirkjunni).

https://tix.is/is/event/7102/hati-ardjass-i-hafnarfir-i-/